Publication: Beeld Issued: Date: 2005-04-09 Reporter: Erika Gibson

Denel Swyg oor HoŽ glo Trekpas Kry

 

Publication 

Beeld

Date

2005-04-09

Reporter

Erika Gibson

Web Link

www.news24.com

 

Hardnekkige gerugte die afgelope week wou dit hÍ dat Denel, Suid-Afrika se grootste wapenvervaardiger, sy senior uitvoerende bestuurder, mnr. Victor Moche, in die pad kan steek.

Moche is glo nie die enigste nie en minstens nog een senior bestuurder gaan moontlik ook uit sy pos verwyder word.

Mnr. Sam Basch, woordvoerder van Denel, kon gister diť bewerings nie bevestig of ontken nie.

Mnr. Sandile Zungu, voorsitter van Denel se direksie, het gesÍ daar steek geen waarheid in nie.

Na verneem word, sal daar meer duidelikheid oor Moche se toekomsplanne wees wanneer die direksie Dinsdag vergader.

Die gerugte kom nadat Moche onlangs erken het dat Denel se finansiŽle posisie niť gesond is nie. Redes wat daarvoor aangevoer word, is onder meer die negatiewe uitwerking van die rand/dollar-wisselkoers op wapenuitvoer.

Na verneem word, kan Denel se verliese vir die afgelope boekjaar meer as R700 miljoen beloop nadat dit die vorige jaar sowat R370 miljoen en die jaar vantevore sowat R70 miljoen was - net voordat Moche as senior uitvoerende bestuurder aangestel is.

Diť verliese is glo bydraend tot die groeiende ongelukkigheid oor Moche se invloed op die vervaardiger se prestasie. Basch het gesÍ dit is "betekenisloos" om nou oor die finansiŽle resultate te bespiegel, aangesien dit nog nie bekend gemaak is nie.

Sou Moche wel uit sy pos verwyder word, sal dit 'n ironiese uiteinde wees aangesien dit 'n ope geheim is dat hy 'n aandeel gehad het in die onlangse skorsing van mnr. Sipho Thomo, senior uitvoerende bestuurder van Krygkor, sowel as twee senior bestuurders.

Hķlle is glo geskors weens bewerings van administratiewe onreŽlmatighede wat deur 'n forensiese span ondersoek word.

Dit is glo "toevallig" dat die ondersoek gehanteer word deur dieselfde span wat die afgelope twee jaar ondersoeke na bykans 50 van Denel se senior bestuurders en amptenare behartig het.

Van diť amptenare se vervolging het al bykans twee jaar gelede begin, maar is nog nie afgehandel nie. Dit kos Denel glo al meer as R12 miljoen om diť mense te vervolg. Etlike van hulle, wat aanvanklik tydens interne verhore skuldig bevind is, is later deur die Raad vir Versoening, Bemiddeling en Arbitrasie (KVBA) ůf onskuldig bevind ůf het met Denel geskik.

Basch het ontken dat daar enige verband tussen die skorsings by Krygkor en Denel is.

Met erkenning aan Erika Gibson en die Beeld.